قررت محكمة جنايات القاهرة الجديدة المنعقدة بالتجمع الخامس، مد أجل الحكم على المتهمة  سارة خليفة وآخرين بقفص الاتهام، وذلك خلال جلسة محاكمتها و3 آخرين، بتهمة تصوير شاب وهتك عرضه داخل مسكنها الخاص لجلسة ٥ سبتمبر المقبل.  

ومن المقرر بجلسة ٥ سبتمبر الحكم على سارة خليفة بعد ورود تقرير مفتي الجمهورية في إعدامها من عدمه، واستغرقت الجلسة ٤٠ دقيقة ودخلت سارة خليفة في نوبه انهيار ثانية قبل بدء الجلسة. 

وظهرت سارة خليفة مرتدية الزي الأبيض والحجاب وبيدها مصحف وذلك بعد انهيارها أمس بعد قرار المحكمة بإحالة أوراقها للمفتي لإبداء الرأي الشرعي في إعدامها.   

ووجهت النيابة العامة للمذيعة والمنتجة سارة خليفة تهمة تعذيب أحد الأشخاص وهتك عرضه وتصويره داخل شقتها بمنطقة العجوزة، في واقعة مرتبطة بالقضية المعروفة إعلاميًا بـ"المخدرات الكبرى" التي تضم 27 متهمًا آخرين وأمرت بحبسها على ذمتها. 

وتبين من تفريغ الهاتف أنه ذهبي اللون على شكل أسد وبالدخول إلى تطبيق الاحتفاظ بالصور والمقاطع تبين وجود مقطع فيديو مدته 7 دقائق، ويظهر به أحد الأشخاص مجردا من ملابسه بداخل غرفة نوم خاصة بمنزل المتهمة سارة خليفة، ويقوم أشخاص مجهولين غير ظاهرين بوجوههم بالمقطع بالاعتداء عليه وهو ملقى أرضا باعتداءات جنسية وإحداث إصابات به باستخدام أيديهم وأرجلهم.

أقوال سارة خليفة عن الفيديو

وقالت سارة خليفة في أقوالها: “المقاطع دي في بيتي وصوت الست اللي ظاهر في المقطع الثاني ده صوتي والراجل ده اسمه مسعد شعبان، وكان شغال سواق على عربيتي، وبعد كده سابني وراح اشتغل مع حد تاني هو وأخوه، وحصلت ما بينهم وبين الناس دي خلافات، عبارة عن أن السواق وأخوه اتفقوا مع بعض يروحوا يرشدوا عن اللي شغالين عندهم، وأخد من واحد 500 ألف جنيه واتفق هو وأخوه يطلعوا يسرقوا فلوس من بيت شريكه، وبكده يبقوا أخدوا فلوس من الاثنين، ويقولوا إن الناس اللي طلعت الشقة، عشان يقبضوا عليه هما اللي سرقوا الفلوس، والمكالمة دي كانت متسجلة وبالنسبة للواقعة اللي تخصني أنا في البيت عندي إن مسعد كان معاه مفتاح البيت بتاعي، وعدى سأل البواب بتاعنا قاله  سارة خليفة فين النهارده، وأنا مكنتش موجودة مسافرة الإسكندرية ومش فاكرة الموضوع ده كان إمتى وتقريبا قبل تاريخ الفيديو ده بيومين، وأنا رجعت البيت من السفر".

وأضافت: “في يوم وأنا في البيت لقيت باب الشقة بيتفتح وأنا استخبيت ورا الستارة وبصيت من ورا الستارة عشان أشوف كام واحد لقيته مسعد السواق بتاعي، ولما طلعتله لقيته بيقولي أنا مش جاي أسرق فلوس أنا جاي آخد الرخصة بتاعتي، قولتله أنا هلم عليك الجيران دلوقتي، وكنت هتصل بالنجدة قالي أبوس إيدك ما تحبسينيش أنا راجل غلبان، وبتوع الأمن طلعوا وقالولي خلاص سامحيه، فسألته معاك مفتاح البيت ليه لغاية دلوقتي، قالي حضرتك كنتي سايبة نسخة منه ونسيتي تطلبيها مني، وهو كان واقف معاه اتنين صحابه عشان ياخدوه بالعربية، وهما كلموا الراجل اللي شغال عنده وقالوله إن أنا هبلغ الشرطة دلوقتي راح بعث التانيين جم اتخانقوا معاه وحصلت المشكلة دي في بيتي في العجوزة، وبعدين مسعد ده لما اتصلوا بصاحب شغله بعتله شخصين وقالولي إحنا هناخد مسعد ونتكلم معاه في الأوضة، وسألت مسعد تعرفهم قالي أيوه أعرفهم”.

مقطع فيديو لتعذيب شاب

كما يحتوي الهاتف على مقطع آخر مدته 13 ثانية يظهر الشخص السابق وصفه مرتديا تي شيرت أسود اللون وبنطال بيج وهو جالس على أرضية الغرفة وبه إصابات ظاهرة برأسه، ويظهر صوت سارة خليفة في مقطع الفيديو.

كما كشف تفريغ هاتف المتهمة سارة خليفة عن احتوائه على مقطع فيديو مدته 12 ثانية يظهر به ذات الشخص السابق ويرتدي ملابس عبارة عن تيشرت أزرق في أبيض اللون وبه إصابة بمنطقة الرأس ويتحدث الشخص الموصوف أمام الكاميرا بالعبارات التالية “الكابتن “ف” كان كويس معايا وكان بيديني فلوس وكان بيديني الأكل وأنا رحت أرشدت عليه مقابل 500 ألف جنيه ثم انتهى المقطع”.