كشف حارس مرمى منتخب مصر والنادي الأهلي، مصطفى شوبير، عن أهمية وجود محمد صلاح في صفوف المنتخب، وتأثيره الإيجابي على اللاعبين وتغيير الفكر.

وقال "شوبير"، خلال لقائه في برنامج “هنا المونديال” مع أحمد حسام ميدو وأحمد شوبير عبر قناة “النهار”: “محمد صلاح من أسباب تغيّر عقلية لاعبي منتخب مصر بنسبة 100%، طبعًا. لما اتكلم عن “المينتاليتي”، فيه ناس أخدتها بسخرية، لكن أي حاجة صلاح بيقولها لازم تتعلم منها”.

وأضاف: “احترف في سن صغير، وعانى من ظروف كتير. كانت بدايته حلوة مع بازل، ولما راح تشيلسي كان فيه توقعات بنجاح كبير، لكنه لعب قليل. مستسلمش وقرر يخرج علشان يلعب أكتر. انتقل إلى أندية في الدوري الإيطالي، ورجع تاني إلى ليفربول، وقضى 8 سنين أصبح خلالها من أفضل لاعبي تاريخ ليفربول، وساهم في عودة الفريق للبطولات من جديد”.

وأوضح "شوبير": “أنا بقولها كتير ومش هزهق من تكرارها: صلاح، قبل ما يكون لاعبًا كبيرًا، فهو بني آدم كويس أوي. وبالنسبة لي، تعرف إنه بني آدم كويس من فكرة إنه مبيبخلش بنصيحة على حد، وعمره ما يخبي معلومة عنك، فهو إنسان أمين”