كشفت دان آدم زوجة حسام حسن المدير الفني لمنتخب مصر، عن طبيعة العلاقة التي تجمعه بزوجته الأولى، مؤكده انفصاله عنها وأنها لم تكن أبدًا السبب في ذلك الانفصال.

قالت "آدم" خلال لقائها مع المذيعة بسمة وهبة في برنامج "90 دقيقة" عبر شاشة "المحور": "زوجة حسام الأولى طلعت في برنامج هي والأولاد واتكلمت بطريقة بينت للناس إنها زوجة حالية والعلاقة قائمة، وده مش حقيقي، العلاقة منتهية من قبلي.. هما منفصلين، وطبعًا طلقها".

تابعت: "حسام كان خاطب قبلي ومحصلش نصيب وبعد كده اتجوزني.. هل المفروض بقى الراجل لما ينفصل ميتجوزش تاني ويعيش على عياله ولا إيه".

أشارت: "محدش هيصدق إنهم منفصلين لأنهم عاملين الشكل الاجتماعي اللي ميأذيش الولاد.. لكن أنا اضطريت أوضح بسبب الهجوم.. وهو قالي بعد ما أرجع من البطولة هنطلع في برنامج عشان الناس تحس بطريقة غير مباشرة وبدون تجريح إنك الزوجة الوحيدة".

أكملت: "في أوقات حصل بيني وبين حسام مشاكل بسبب شياطين خارجية.. وطلعت واتكلمت عنه بكل احترام وهو هيفضل فوق راسي طول العمر.. وكل البيوت بيحصل فيها مشاكل لكن الحمد لله رجعنا وبقينا أحسن.. واحنا عمرنا ما فضحنا بعض".