أماني ربيعي

طرحت فرقة كايروكي ألبومها الغنائي الجديد "سوبر نوفا"، والذي يتكون من 10 أغاني متنوعة وسط تفاعل جماهيري كبير ومشاركة متميزة لنخبة من صناع الموسيقى، ويضم الألبوم أغاني: "نسينا، ما تيجي، أنا فاضل، تاتا تاتا، حاسب حاسب، مت ليه، ألف مراية، وحدي، أنا بكبر، وفي الختام". 

تعتبر أغنية "">أنا فاضل" واحدة من أغاني الألبوم المميزة التي تحمل طابعاً يحن للذكريات، الأغنية من كلمات مصطفى إبراهيم، إنتاج موسيقي وميكساچ شريف مصطفي.

نرشح لك: كلمات أغنية "ماتيجي" لــ كايروكي

وتأتي كلمات أغنية "انا فاضل" كالآتي:   

أنا فاضل لسه معايا

كام أول مرة في جيبي

كام عود كبريت في العلبة

مرضيش يولع عالفاضي

كام عود ملهوش ولا سابقة

ف الحرق إلا المرادي

أول مره ادخل سيما مع بنت

كانت في اعدادي

كان كدة للموضوع قيمة

وبعديها خلاص.. بقى عادي

أنا اسف جداً جداًعلي أول مرة

اتحرقت

ع الفاضي

ومش وياكي

وأبوسك أول بوسة

تتباس أصلاً ف حياتي

و اتأسف بعدك تاني

على أول مرة معاكي

و اتأسف تاني وتالت

علي كل كلام اتقال

و أحرق ف حاجات اتقالت

كانت لازم تتشال

لبتوع الدور الجاي

و الجاي أبقى من الفايت

ميت بيسلم حي

والميت وإن كان تافه

ف بيفضل ملهوش زي

فنا حفضل فاكر ميّ

اول ايد بنت امسكها

اول شوكلاتة هدية

أول توصيل للبيت

لحد مافجأه لقيت

مش باقي معايا ف جيبي

غير كام" أول" يتعاش

معرفش إن كنت حشيلهم

ولا حبيعهم ببلاش

متشكر جداً جداً

على وقتك تاني يا دكتور

-العفو يا سيدي اتفضل

واديتني روشتتي تاني

مشطوب منها اربع تسطر

-مش حاسس إنك أحسن

من اخر مرة تجيلي

مش حاسس أصلا حاجة

علي إيدك يعني أديلي

ساعتين عمال أتكلم

و مش فاكر نص كلامنا

-السبت الجاي معادنا

لأ دنتا الحد ... نسيت

خد بالك بقى من نفسك

وفيه دوا حنكرره تاني

أنا أصلا حبقى كويس

ومفيش حاجة مضايقاني

واخدت الباب ف اديا

وما صدّقت إني مشيت

كان فاضل لسة سيجارة

ف العلبة لقيتها معايا

بس استخسرت أشربها

قبل أما أوصل للبيت

" title="Cairokee - Ana Fadel كايروكي - انا فاضل" frameborder="0">