كشف الفنان أحمد سعد عن كواليس تعاونه مع ابنته جودي في أغنية "كدا كدا"، موضحًا بأنه كان يرفض فكرة دخولها مجال الغناء تمامًا، ووافق بعد تمكنها من اللغة الإسبانية خلال فترة دراستها هناك.

قال "سعد خلال لقائه بـ" بيلبورد عربية"،: "أنا منعت الموضوع ده كتير جدًا وكنت رافض إنها تغني تمامًا، والأغنية دي أصلاً كنت عاملها لوحدي وهي اللي دخلت عليا".

أضاف: "هي راحت تدرس في إسبانيا وحبت إسبانيا جدًا لدرجة إني لقيتها بتتكلم إسباني زي الناس اللي هناك".

أشار: "أنا فخور بيها جدًا، وهي بتحب اللغات قوي وبتحب تدرس وتكون متعلمة أكتر من لغة".

أغنية "كدا كدا" هي ديو غنائي جديد يجمعه بابنته "جودي" في أول تجربة لها، وتتضمن مقطعا باللغة الإسبانية، وهي من كلمات أمير طعيمة وألحان أحمد سعد ونادر حمدي.